મધ્યપૂર્વ યુધ્ધનો આજે ૧રમો દિવસ : ઈરાનમાં અત્યાર સુધીમાં ૮૦૦૦ ઘરો પર મિસાઈલમારો
saurashtrabhoomi 
તહેરાન તા.૧૧
અમેરિકા-ઇઝરાયલ અને ઇરાન યુદ્ધનો આજે ૧૨મો દિવસ છે. આ યુદ્ધમાં અત્યાર સુધીમાં ૧૪૦ અમેરિકી સૈનિકો ઘાયલ થયા છે, જ્યારે ૭ સૈનિકોના મોતની પુષ્ટિ થઈ છે. બીજી તરફ ઇરાનનું કહેવું છે કે તેના દેશમાં થયેલા હુમલાઓમાં લગભગ ૮૦૦૦ ઘરને નુકસાન થયું છે અને ૧૩૦૦થી વધુ લોકોનાં મોત થયા છે.
સંયુક્ત રાષ્ટ્ર (UN)માં ઇરાનના રાજદૂત અમીર સઈદ ઇરાવાની અનુસાર, દેશમાં લગભગ ૯૬૦૦ નાગરિક વિસ્તારોને નિશાન બનાવવામાં આવ્યા. જેમાં ઘરો ઉપરાંત બજાર, હોસ્પિટલ, મેડિસિન સેન્ટર્સ અને શાળાઓ પણ સામેલ છે. આ દરમિયાન ઇરાને એવો પણ દાવો કર્યો છે કે તેણે ઇઝરાયલના ઘણા શહેરો પર મિસાઈલ હુમલા કર્યા છે. ઇરાન અનુસાર, હાઈફા, યરુશલમ અને તેલ અવીવને નિશાન બનાવવામાં આવ્યા.
ઇઝરાયલે ગઈ રાત્રે ઇરાન અને લેબનોનમાં ફરીથી હુમલા કર્યા. ઇરાનની રાજધાની તેહરાનમાં મેહરાબાદ ઇન્ટરનેશનલ એરપોર્ટ નજીક વિસ્ફોટોના સમાચાર છે. ત્યાં ઘણી જગ્યાએ નુકસાન થયાની વાત પણ સામે આવી છે.
તે જ સમયે, ઇઝરાયલે લેબનોનની રાજધાની બેરુતમાં પણ હુમલો કર્યો. રિપોર્ટ અનુસાર, શહેરની મધ્યમાં આવેલા એક ખાસ એપાર્ટમેન્ટને નિશાન બનાવવામાં આવ્યું હતું. આ ઉપરાંત, દહિયા વિસ્તારમાં પણ હુમલા થયા, જેને હિઝબુલ્લાહનો ગઢ માનવામાં આવે છે.
.jpg){kind=small}
